Shpesh politika dhe politikanët janë shpesh burim materialesh për aktorët e humorit. Këta të fundit “vjedhin” prej tyre ngjarje të ndryshme, për t’i trajtuar më pas me nota humori.
Pikërisht në këtë kontekst, aktori Rezart Veleshnja ka zgjedhur të imitojë në shown “Portokalli” zv.kryeministrin, Erion Braçe.
Duke iu referuar figurës së zv.kryeministrit, Veleshnja ka përshtatur gjestet, lëvizjet si edhe pamjen e tij.
Roli është pritur mirë nga publiku, por mesa duket jo nga Brace.
Vetë Veleshnja ka treguar madje se Braçe i ka bërë “block” në Instagram.
“Po kam marrë komente nga Erion Braçe, më ka bërë bllok në Instagram. Imitimi nuk është asnjëherë dashakeq, pavarësisht si e marrin. Shumë njerëz e marrin mirë, me pozitivitet. Ka njerëz që i tingëllon pak keq, i duket sikur ti ke diçka personale”, ka deklaruar aktori në një intervistë për “Wake up”.
